Градежната офанзива во Општина Лозово продолжува. Започнуваме со изградба на спортска сала за потребите на ООУ “Методи Митевски-Брицо” во Општина Лозово, со што за прв пат од постоењето на општината ќе имаме нова спортска сала. Проектот е целосно финансиран од Министреството за образование и наука и се очекува во текот на оваа година да биде целосно завршен.

Зборот е збор! Ветеното го исполнуваме! Изработивме проект за парк во Лозово, кој го ставаме во развојните програми за 2021 година, инвестираме во урбанизирање и разубавување на нашата општина, инвестираме во здрава животна средина. Продолжуваме со изработка на проектни документации и спремни за нова градежна офанзива. Можеме уште повеќе и уште подобро!

 

Од оваа сабота, во Овчеполието започна уште еден значаен проект со цел претставување и прикажување на културното наследство на овој голем и плодороден регион. Општина Лозово и Продукцијата „Аристон“ од Свети Николе започнаа со подготвување на книга за животот на Овчеполската ѕвезда Атиџе Муратова. Првиот ден започна со средба на градоначалникот на Општина Лозово, Ацо Велковски и Атиџе Муратова со Дуле Јанев и Никола Ристевски од Продукција „Аристон“. Заедно ги посетија Црквата „Света Петка“ во Лозово, турбето „Јусуф Деде“, стариот параклис и џамијата во Лозово, а до крајот на денот Атиџе имаше прилика да доживее туристичка прошетка и во соседната Општина Свети Николе. Книгата за животот на Атиџе Муратова ја пишува и уредува м-р Никола Ристевски, извршен директор во Продукција „Аристон“ и научен соработник при Институтот за Култура и Уметност на Меѓународниот Славјански Универзитет „Г. Р. Державин“. Фото – репортажата при работата е во рацете на директорот на фотографија во Продукција „Аристон“, Дуле Јанев. Општина Лозово е покровител на проектот, а по печатењето на книгата средствата од продажбите на истата ќе бидат собирани во посебен фонд на Атиџе Муратова. Покрај биографската работа, Ристевски и Јанев во соработка со Градоначалникот на Општина Лозово подготвуваат и уште неколку важни проекти за претставување и прикажување на убавините на Овче Поле.